Урматтуу мекендештер жана кесиптештер!

  Жаңы жыл – эң сүйүктүү жана жаркын майрамдардын бири. Бул майрам баарыбызды жалпы үмүттөр, тилектер жана келечекке умтулууларыбыз менен бириктирип келген майрам.  

      2023-жыл жемиштүү, аракетке бай, жигердүү иштердин жылы болду.  Алдыда жаңы милдеттер турат, алардын эң маанилүүсү – Жалал-Абадтагы мунайды кайра иштетүүчү заводту жанылоо турат.

     Мен өзүмдүн атымдан өндүрүш тармагындагы кесиптештерге жалпыбыз көздөгөн иштерибиздин алдыга жылышы үчүн кылган аракеттери, жогорку кесиптик деңгээлдеги ак ниеттүү эмгектери үчүн  чын дилимден ыраазычылык билдирип кетким келет.

 Биздин ишканабыздын ийгилигинин артында сиздердин талыкпаган эмгегиңиздер бар. 

Кирип  келе жаткан жыл алдыга койгон максаттардын ишке ашырылышын, жаңы жылдын ар бир күнү  жакшылыктар менен коштолушун изги ниетимден  каалайм.

      Ар бириңиздерге бекем ден соолук, тынчтык, бакыт, үй-бүлөңүздөрдө сүйүү жана жаңырган жылда жакшылыктар жылоолоп турсун,!   

     Жаңы жылыңыздар менен!

 Урматтоо менен,

 НУРГАЗЫ НИШАНОВ

“Кыргызнефтегаз”ААКнун башкармалыгынын төрагасы