«Кыргызнефтегаз» ААКнын башкармалыгы тарабынан 100 күндө аткарылган иштер.

 

“Кыргызнефтегаз” акционердик коомунун башкармалыгынын төрагасы Нургазы Нышанов:

“Жумушчулардын айлык акысы 20%га көтөрүлдү

“Кыргызнефтегаз” акционердик коому акыркы жылдарда мунай өндүрүүнүн көлөмүн арттырып, белгиленген пландарды ашыгы менен аткарууга жетишип  келе жатат. Ошондой эле ишкананын эмгек жамааты биринчи кварталды ийгиликтүү аяктап, быйылкы жылга коюлган ири максаттардын өтөсүнөн чыгууга болгон аракетин жумшап келишүүдө. Компаниянын башчысы Нургазы Нышанов менен болгон маегибизге назар салыңыздар.

— Өткөн жылы жалпы жонунан  173 миң тонна мунай өндүрдүк. Көп жылдан бери мындай көрсөткүч болгон эмес. – деп сөзүн баштады Нургазы Нурланович. — Быйылкы жылга жылына 200 миң тоннадан ашык мунай өндүрүү планын койгонбуз. 2021-жылдын 1-кварталында 330 млн. сом таза киреше тапкан болсок, быйылкы жылдын ушул мезгилинде 860 млн. сом киреше менен чыктык. Башкача айтканда,  530 млн. сом көп каражат таптык.

1-кварталдын жыйынтыгын жакшы көрсөткүчтөр менен аяктасак жумушчулардын  айлык-маяналарды 15%га көтөрөлү деп убада бергенбиз. Жакында Жогорку Кеңешке, Министрлер кабинетине, Мамлекеттик мүлк фондуна отчет берип келдим. Биздин жетишкендиктерибизди уккандан кийин, айлык акыны 20%га көтөрүүгө уруксат беришти. Бирок, бул дагы чек эмес. Буйруса жылдын аягына чейин жок дегенде айлык  акыны дагы 20%га чейин көтөрүүгө аракет кылабыз.

— Акыркы жылдарда санкциялардын кесепетинен дүйнөдөº финансылык кризис күч алды.  Бул көрүнүш өндүрүшкө терс таасирин тийгизбейби?

— Өзүңүз туура баамдагандай, дүйнөдө экономикалык кризис болуп жатат. Пандемиялык кырдаал өзубүзгө-өзүбүз кам көрүүгө чоң сабак болду. Чек араларыбыз жабылып, оор абалга туш келген күндөрдү башыбыздан өткөрдүк. Мына ушундай чакырыктарга даяр туруп, энергетикалык коопсуздукту камсыз кылууга кам көрүшүбүз керек.  Мамлекеттин мунайды жылдык керектөсү 1 млн. 300 миң тонна. Ушул көрсөткүчтүн 40%ын ºөндүрүп бере турган болсок, мамлекетибизге чоң жардам берген болобуз.  Жакынкы 3-4 жылдын аралыгында мунай ºөндүрүүнү жылына 500 миң тоннага жеткиришибиз керек.

— Компания дивиденд төлөйбү?..

— Буга чейин Мамлекеттик мүлк фондуна 213 млн. сом дивиденд төлөп берген экенбиз. Мыйзам боюнча таза кирешенин 25% кем эмес бөлүгү дивиденд катары мамлекеттик бюджетке төлөнүп берилиши керек. Быйылкы жылы тапкан кирешебиздин көпчүлүк бөлүгүн дивиденд катары алуунун үстүндө иштеп жатышкан экен, сүйлөшүүлөрдү жүргүзүп, таза кирешебиздин 30%на макулдашып, мамлекеттин бюджетине 650 млн. сом дивиденд катары төлөп беребиз. Калган 1,5 млрд. сомду өзүбүздүн ºөңдүрүш тармагыбызды модернизациялоого жумшайлы деп чечтик. Жылдын аягына чейин дагы амбициялуу пландарыбыз бар. Буйруса, төрт млрд. сом таза киреше табуунун үстүндө иштеп жатабыз.

— “Кыргызнефтегаз” ишканасы “Газпром” компаниясына кошулат экен” деген сөздөр жүрүп келди эле…

— Ишкананын биригүү маселеси күн тартибинен алынды. Президентибиз Садыр Жапаров биздин компанияны эч кимге бербей иштетүү боюнча ºөзүнүн так позициясын билдирди. Азыркы күндүº он бир эле лицензиябыз бар. Буйруса “Кыргызнефтегаз” акционердик коомун акырындык менен монополист компанияга айландыралы деген максатта иштеп жатабыз. Геология жана жер казынасын пайдалануу жаңы мыйзамына ылайык, 100% мамлекеттик үлүшкө ээ болгон компаниялар эч кандай конкурс, аукциону жок эле кең байлыктарды иштете алышат. Биздин ишканабыз ушул мыйзамга кирбей калганбыз.  Себеби дегенде, биздин компаниянын 85% үлүшүн мамлекет ээлик кылат. Ошол мыйзамга ºөзгөртүү киргизүү боюнча сунушубузду бердик. Сунушубузду Жогорку Кеңештин отун энергетика комитети, Министрлер кабинети колдоп жатат. Эгерде мыйзамда каралган шарттар боюнча иштөөгө мүмкүнчүлүк ала турган болсок,  анда мунай өндүрүшүн көлөмүн көбөйтүүгө шарт түзүлөт.

Подробнее

Нооруз майрамына карата спорттук мелдеш өтүүдө

Нооруз майрамына карата «Кыргызнефтегаз» ачык акционердик коомуна караштуу мекеме ишканалар арасында  футбол, волейбол, стол тенниси жана шахмат боюнча спорттук мелдештер өткөрүлүүдө.

«Кыргызнефтегаз» ААКнун профсоюз комитети спорт иштерин өркүндөтүүгө олуттуу көнүл буруу менен нефтчилердин бош убактысын маданий тейлөө жана ден-соолукту чындоо максатында бир топ иштерди жүргүзүп келүүдө.

 

Подробнее

“Кыргызнефтегаз” ачык акционердик коомунун башкармалыгынын төрагасы Нургазы Нишанов: “Башкы максатыбыз – сапаттуу продукция өндүрүү”

Өндүрүш

Кыргызстанда мунай жана газ өндүрүшүнүн башаты тээ 1950-жылдардан башталыптыр 1952-жылы «Майлуу Суу IV”, “Избаскент”, Чыгыш Избаскент” мунай кендери ачылгандан кийин “Кыргызнефтегаз” ишканасынын негизделип, бүгүнкү күндө аталган компания өлкөбүздө мунай жана жаратылыш газына чалгындоо иштерин жүргүзүү, мунайды кайра иштетүү жана аларды сатуу боюнча бүтүндөй бир толук өндүрүштүк циклди өзүнө камтып, өнүгүүнү жаңы доорун башына кечирип жатат.   Кыргызстандагы жападан жалгыз эң ири ишкана болуп эсептелген “Кыргызнефтегаз” акционердик коомунун бакшармалыгыны төрагасы Нургазы Нышанов менен болгон маегибизде өткөн жылдарда жасалган ийгиликтер жана келечек пландары тууралуу төмөндөгүлөрдү айтып берди.

Киреше үч эсеге өстү

— 2021-жыл “Кыргызнефтегаз” акционердик коому үчүн ийгиликтүү жыл болду. Жылдын башында коюлган пландар ашыгы менен аткарылып, техникалык, экономикалык көрсөткүчтөр мурунку жылдарга салыштырмалуу бир кыйла жогорулады. Ишкана жылдын жыйынтыгы боюнча 173 578 тонна мунай өндүрүп, алган милдеттенмени 121,1%га аткарып, чийки мунай планга карата 30 278 тоннага көп алынды. Өткөн жылга салыштырмалуу 26 896 тоннага ашыкча мунай өндүрүлдү.

2021-жылдын жыйынтыгы менен “Кыргызнефтегаз” ишканасы 2 млрд. 157 млн. сом баланстык киреше табууга жетишти. Башкача айтканда, киреше үч эсеге өстү. Мындай көрсөткүч ишкананын тарыхында биринчи ирет болуп жатат. Андан башка чыгымдарды оптимизациялоо, коррупциялык элементтерди жоюуга каршы күрөшүү  ишкананын кирешесине оң таасирин тийгизгенин баса белгилегим келет. Маселен, 2020-жылы баланстык киреше 546 млн. сом болсо, 2021-жылы 2 млрд. 157 млн. сомду түздү. Ошондой эле ишкана 2021-жылдын жыйынтыгында салык боюнча бюджетке 1 млрд. сомдон ашык төлөмдөрдү чегерип берди. Бул багытта план 116%га аткарылды. Анан дагы компания бюджетке 214 млн. сом дивиденд төлөдү.

“Кыргызнефтегаз” ишканасы Жалал-Абад, Майлуу-Суу, Кочкор-Ата шаарын жана Ноокен районунун айрым айыл аймактарын “көгүлтүр от” менен үзгүлтүксүз камсыз кылып келет. Өткөн жылы ишкана шаарда жалпы жонунан 291 абонент газ түтүгүнө кошулду.

Газ менен туруктуу камсыз кылууга жетишебиз

-“Кыргызнефтегаз” ачык акционердик коомунун балансында 11 мунай жана жаратылыш газ кендери бар. Учурда компаниянын карамагында 605 скважина иштеп жатат. Мунун ичинен 24 скважина орнотулуп  2021-жылы жаны ишке берилген. Ошондой эле скважиналарды оңдоо, мунай өндүрүүнү идентификациялоо ыкмаларын колдонуу менен, “Майлуу Суу IV” аталышындагы кен аймагынын 1038-жаңы скважинасы ишке берилди. Учурда бир күндө 23 000 м³ газ чыгып жатат. Газдын чыкканына бир жума болду. Жалпы жонунан компаниянын 12 газ скважинасы бар. Бүгүнкү күндө жаңы газ скважинасын ишке киргизүү менен алдыбызга койгон планыбызды 115%га аткардык. Буйруса, 2022-жылдын күз-кыш айларында элибизди туруктуу газ менен камсыз кылууга жетишебиз деген ишенимде турабыз.

Ошондой эле ишкананын материалдык-техникалык базасын чыңдоо боюнча максаттуу иштер жүрүп жатат. Автопаркты жаңылоо улантылууда. Экономикалык көрсөткүчтөр жогору болгондуктан, өткөн жылга жалпы 40 даана атайын техника сатып алуу каралып, учурда 30 техника сатып алынган. 2022-жылы 40 техниканы жана башка тетиктерди сатып алуу үчүн бюджеттен атайын акча каражаты каралды. Буйруса, техникаларды өз убагында сатып алууга мүмкүнчүлүгүбүз жетиштүү.

200 миң тоннанын тегерегинде мунай өндүрүүнү болжолдонууда

-Жакында акционердик коомдун жылдык иш-планын бекитип алдык. 2022-жылга койгон планыбыз боюнча 200 миң тоннанын тегерегинде мунай өндүрүүнү болжолдоп жатабыз. Кирешебизди 3,5 млрд сомго жеткирүүгө болгон аракетибизди жумшайбыз. Азыркы күндө ишибиз өз графигинде жүрүп жатат.

Андан башка  “Чыгыш Шамалды”, “Түндүк Избаскент” жана “Алаш” кендерин иштетүүгө лицензия алынды. Ошондой эле “Кыргыз Петролеум Компани” ишканасын модернизациялоо пландалууда. “Кыргызнефтегаз” ачык акционердик коомуна караштуу мунайды кайра иштетүүчү бул ишкана 2020-жылды 47 млн. сом чыгаша менен жыйынтыктаган. 2021-жылы 200 млн. сомдун тегерегинде киреше табууга жетишти.

 

Ишканада АИ-80 маркасындагы бензин, дизель жана мазут чыгарылат. “Кыргызнефтегаз” ишканасы тарабынан өндүрүлгөн чийки зат ушул ишканага жөнөтүлүп, кайра иштетилип чыгат. Өндүрүлгөн бензин менен дизелди Кыргызстандын ички базарында сатышат. Анткени, нефтепродуктыларын башка өлкөлөргө экспорттоого Министрлер кабинети тарабынан убактылуу чектөө коюлган. Ал эми өлкөдө мазутка болгон керектөөчүлөр аз болгондуктан, аталган продукцияны экспортко чыгарууга мыйзам жол берет.

Заводубузду реконструкциялоого техникалык-экономикалык негиздемелери даярдалып жатат. Ишкананы заманбап жабдуулар менен камсыз кыла турган болсок. Биринчиден, биздин өндүргөн продукцияларыбыз сапаты жогорулайт, экинчиден, бензин менен дизелди өндүрүүнүн көлөмү өсөт. Заводубуз эски технологиялар менен иштегендиктен, кайра иштетиле турган нефтепродукциянын дээрлик 55%ы мазут болуп калууда. Евразиялык экономикалык биримдиктин талаптарына ылайык,  Министрлер кабинети тарабынан 2025-жылга чейин бензиндин Евро-5  маркасына өтүү милдеттендирилген. Биздин башкы максатыбыз — сапаттуу продукция өндүрүү. Азыр ошонун үстүндө иштеп жатабыз.

Жумушчуларга шарт түзүү —  башкы маселе

—   Башкармалыктын эң башкы милдеттеринин бири жумушчуларга ыңгайлуу шарттарды түзүү болуп эсептелет. Жакында эде жумушчулар менен жолугушуп, 2022-жылга карата газды өндүрүүнүн көлүмүн көбөйтүү боюнча иш-пландары менен кеңири тааныштырып, өндүрүштү керектүү техникалар менен камсыздоо, жаңы тетиктерди алуу, айлык-маяналарды жогорулатуу, жумушчуларга түзүлгөн шарттарды жакшыртуу багытындагы маселелер биринчи кезекте чечилерин айтып бердим. Ошондой эле жумушчуларды шарт түзүү менен бирге иштин өндүрүмдүүлүгүн арттырууга талап күчтүү болорун билдирдим.

Эгерде биринчи кварталга белгиленген көрсөткүчтөрүбүздүн өтөсүнөн чыксак, жумушчулардын айлык-маянасын 15%га көтөрүү каралууда.

Ошондой эле профсоюздук уюму тарабынан эмгек жамаатынын ден соолугун чыңдоо, аларды эс алдыруу максатында, өлкөбүздөгү бир топ курорт-санаторийлер менен келишим түзүлүп, кам көрүлүп турат. Учурда 3 бала бакча иштеп жатат.

Андан башка “Кыргызнефтегаз” акционердик коомдун  Кочкор-Ата шаарындагы социалдык-экономикалык маселелерди чечүүдө  каржылык жактан колдоодо негизги күч экенин айта кетейин. Биздин компания шаардын калкын таза суу, газ менен камсыздайт. Ошондой эле негизги көчөлөрдү, скверлер менен парктарды, маданий жана башка коомдук объектилердин абалын көзөмөлдөп, жаңылап жакшыртып турат. Шаардыктар үчүн ыңгайлуу жашоого, эс алууга, спорт менен машыгууга шарт түзүп келет.

Бүгүнкү күндө пандемиялык кырдаалга байланыштуу дүйнөдө финансылык кыйынычылыктар жаралууда. Ошондой болсо да биздин ишканабыз Президентибиз, Министрлер кабинети койгон тапшырмаларды өз убагында аткарууга болгон мүмкүнчүлүгүбүздү пайдалана бермекчибиз.

Албетте, жумушчулардын талыкпаган эмгеги, жетекчиликтин ишти туура уюштуруусунун натыйжасында жогорудагы ийгиликтер жаралууда.

Подробнее

Урматтуу Аялзаты!

Сиздерди  Эларалык 8-Март майрамыңыздар менен чын дилибизден куттуктайбыз! Ар бириңиздердин үйүңүздөрдө мээрим жана тынчтык болсун. Жаркыраган жаз менен бирге келген шаңдуу майрамда  ажарыңыздардан күлкү жана кубаныч жанып турсун.

Сиздер тартуулаган жылуулук, мээрим, жароокерлик жана сүйүү ар дайым мырзаларды эрдикке шыктандырып келген. Сиздердин тилек ар качан тынчтык, бейпилдик жана бакубат жашоо болгон үчүн дүйнө сиздердин алаканыңыздарда, ал эми бейиш сиздердин таманыңыздарда. Сиздердин назик колдон бешик термелип, дүйнө бөксөрбөй турган үчүн адамзат жашоосу уланууда. Сиздердин ууз сүтүңүздөр адамзат азыгы! Сиздердин ак сүтүңүздөр менен бирге ар бирибиздин каныбызга эне тил, асыл ойлор сиңет. Сиздердин мээримиңиздер менен адам баласы адам жашоосун улайт.

Баарыңыздарга энелик бакыт, сүйүү, тынчтык каалайбыз. Очогуңуздар өчпөсүн! Жер үстүндө тынчтык болуп, сиздердин көз жаш кубанычтан гана жерге тамсын!

Подробнее

Жаңы газ скважинасы ишке берилди.

«Кыргызнефтегаз» ААКнун башкармалыгынын төрагасы Нургазы Нишанов кең казылуучу аймака барып, адырда иштеп жаткан нефтичилер менен жеринде жолукту.

“Майли-Суу IV” атылышындагы кең аймагынын 100-районунун 1038 аталышындагы жаңы газ скважинасы ишке берилди. 1038-скважинасынын кудугунун тереңдги 2034 метрге чейин казылган. Учурда бир күндө 23 миң м³ газ чыгып жатат. Төрага Н. Нишанов газ чыккан аймака барып, жумушчулар менен жолугушту. Жолугушуунун жүрүшүндө 2022-жылга мунай жана газ өндүрүүнүн көлөмүн көбөйтүү багытында иш пландары боюнча токтолуп өттү.

Ошондой эле Н. Нишанов 1042-1051 аталышындагы мунай куурун казып жаткан бургулоочулар менен дагы жолугушту. Жумушчулардын сунуштарын угуп, таанышты. Керектүү тетиктерди камсыздоо, жаны техникаларды алуу, айлык маянаны жогорулатуу, жумушчуларга түзүлгөн шарттарды жакшыртуу багытында масселелер биринчи кезекте чечилерин «Кыргызнефтегаз»ААКнын төрага Н. Нишанов айтып өттү.

2022-жылы кыргыз бургулоочулары 38 миң погондук метр чалгындык жана эксплуатациялык бургулоо жумуштарын аткарууну пландашууда. 2022-жылдын алгачкы айындагы көрсөткүчөр өндүрүштүк план ашыгы менен аткарылып жатканы белгиленүүдө.

 

Подробнее

«Кыргызнефтегаз» ААКнын каржы директору Бурканбек Темирбаев  салык кызматынын медалы  менен сыйланды.

«Кыргызнефтегаз» ААКсы салык түрүндөгү төлөмдөрдү өз учурунда аткарып, Салык кызматы менен тыгыз иш жүргүзүп келет.  2021-жылы өлкө казынасын толтурууда компания зор салым кошкон. «Кыргызнефтегаз» ААКсы өткөн жылы жалпы жонунан 1 млрд 106,9 млн сом салык төлөмдөрун аткарган.  Жогорудагы сумманын ичинен Ноокен районуна 956,2 млн сом салык төлөнгөн.  Ноокен районунун 66% бюджетин «Кыргызнефтегаз» компаниясынын аткарган төлөмдөрүнун натыйжасында толукталат. Ноокен районун өнүгүүсүнө «Кыргызнефтегаз» ААКнын салымы жогору.

Мындан улам Кыргыз Республикасынын мамлекеттик салык кызматынын медалы  менен «Кыргызнефтегаз» ААКнын каржы директору Бурканбек Темирбаев сыйланды. Сыйлыкты Ноокен районунун салык кызматынын башчысы Касым Дыйканбаев тапшырды.

Подробнее