Жаңылыктар, Пресс релизы, Рубрикасы жок08.09.2023

Кочкор-Ата шаарында нефтичилердин кесиптик майрамы белгиленди

Кочкор-Ата шаарындагы “Кыргызнефтегаз” ААКнун алгачкы бургулоо жумуштарынын башталганына 91 жыл толуп, кызматкерлердин кесиптик майрамы белгиленди.
Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев, “Кыргызнефтегаз” ААКнун төрагасы Нургазы Нишанов, Жогорку Кеңештин депутаттары, жергиликтүү бийлик жана шаар тургундары катышты.
Концерттин расмий бөлүгүндө Нургазы Нишанов сөз сүйлөп куттуктап өттү.
“Ардактуу биздин мунай жана газ өндүрүү тармагында иштеген кызматкерлер жана ардагерлер.
Сиздердин бүгүнкү кесиптик майрамыныздар менен ак нийеттен куттуктайм.
Чон жоопкерчилик менен эмгектенип, Калкыбызга ак нийет кызмат кылуу менен, өлкөбүздүн өнүгүшүнө жана кубаттуу экономикасына салым кошуп келүүдөсүздөр.
Биздин ишибиз жогорку кесипкөйлүктү, тазалыкты, чыдамкайлыкты жана талыкпаган эмгекти талап кылат.
Алдынкы жылдарда ишканабыздын өнүктүрүү багытында чон максаттарды койгонбуз. Мунай өндүрүүнүн көлөмүн көбөйтүү, Жалал-Абаддагы нефтини кайра иштетүүчү заводду жанылоо менен, К5 үлгүсүндөгү өнүмдүү чагаруу максаттарыбыз бар.
Ошондой эле ишкана кызматкерлерин турак жай менен камсыздоо максатында, көп кабаттүү үйлөрдү куруу боюнча аракеттер көрүлүүдө.
Бийик максаттарга жетүүдө ар бир мунайчы жан дили менен эмгектенүүсү абзел.
Урматтуу бүгүнкү майрамдык салтанаттын катышуучулары! Сөзүмдүн аягында баарыңыздарга бекем ден соолук, ынтымак, үй-бүлөңүздөрдө тынчтык болсун!
Мамлекетибиз өсүп-өнүгө берсин!”- деп белгилеп өттү.
Концерттик программа уланып, белгилүү ырчылардын ырлары жаңырды.
+28
Подробнее
Жаңылыктар, Пресс релизы, Пресс-борбор, Рубрикасы жок25.08.2023

Сузакта изилдөө, чалгындоо максатында мунай жана газ багытында бургулоо жумуштары башталды!

Жалал-Абад облусунун Сузак районуна караштуу Ырыс айыл өкмөтүнүн Жашасын айылындагы «Междуреченский» атылышындагы кен орун алган жердин өнөр-жайлык маанисин толук аныктоо үчүн, аймактын геологиялык түзүлүшүн изилдөө иштери башталды.

2022-жылы жүргүзүлгөн сейсмикалык изилдөөнүн негизинде казылуучу чекити аныкталып, тереңдиги 3000 метр бургулоо жумуштарын аткарууга даяр. Ошондой эле электр энергиясын тартуу жана атайын оор техникалар жүрүүчү жолдорду ачуу багытында жумуштар аткарылды.

Бургулоо жумуштарын баштоо аземине КРнын президентинин Жалал-Абад облусундагы ыйгарым укуктуу өкүлү Абсатар Сыргабаев жана “Кыргызнефтегаз” ААКнун башкармалыгынын төрагасы Нургазы Нишанов катышты. Ошондой эле ишканада мурун иштеп кеткен ардагерлер жамааты дагы катышты.

“Кыргызнефтегаз” ААКнын башкармалыгынын төрагасы Н. Нишановдун айтымында бургулоо жумуштары пландагыдай ишке ашып, биз күткөндөй мунай жана газ чыгып калса, Сузак районунун конуштарын жана Жалал-Абад шаарынын жашоочуларын жаратылыш газы менен камсыздоого дагы да жакшы мүнкүнчүлүк жаралмак деп белгилеп өттү.

Облус башчысы А. Сыргабаев бургулоо курулмасы менен жакындан таанышып чыкты. Мында жаны алынган техникалар жана  заманбап тетиктер, тийиштүү шаймандар тааныштырылды. А. Сыргабаев  кыргыз мунайчыларына баштап жаткан жумуштарына ийгилик каалап өттү.

Учурда жүргүзүлүп жаткан бургулоо иштери чалгындоо багытында аткарылууда. Бургулоонун жүрүшүндө кенден сынамык алуу, курамын аныктоо, көлөмүн тактоо маселелери каралат.

Бул кен аймактын жер катмарлары боюнча алдын ала так маалымат айтууга болбойт.

 

 

 

Подробнее
Жаңылыктар, Пресс релизы, Пресс-борбор, Рубрикасы жок, Сми21.07.2023

Алдамчылардын торуна түшүп калуудан сак болуңуз!

Урматтуу кыргызстандыктар! Учурда интернет булактарында “Кыргызнефтегаз” ААКнун атын жамынган белгисиз тараптар жалган маалыматтарды таратууда!

Тактап айтканда https://privatelyinvestor.com аталышындагы сайтында “Кыргызнефтегаз өлкөнүн бардык тургундары үчүн микро-инвестициялардан акча табуу мүмкүнчүлүгүн ачты” деген чындыка дал келбеген маалымат таратууда. Мыйзамсыз аракеттери менен жарандарды инвестор катары акча каражаттарын салууга үндөп жатат.

Мындан улам “Кыргызнефтегаз” ААКнун башкармалыгы жогорудагы маалыматтарды жалган экенин белгилейбиз. Алдамчылардын торуна түшүп, аларга акча каражаттарын салбоого чакырабыз. Алдамчылардын олжосуна айланып калуудан сак болуңуздар!

“Кыргызнефтегаз” ачык акционердик коому боюнча расмий маалыматтар https://kng.kg сайттына гана чыгарылат.

Жогорудагы жалган маалыматтарды чектөөгө алуу үчүн жана анын уюштуруучуларын жооперчилике тартуу үчүн тийиштүү укук коргоо органдарына билдирүү берилди.

Эскертме: Алдамчылыкка кабылган жарандар үчүн “Кыргызнефтегаз” ишканасы эч кандай жоопкерчилик албайт

Подробнее
Жаңылыктар, Пресс релизы, Рубрикасы жок14.07.2023

Кыргыз Республикасынын Президентинин Администрациясынын Жетекчиси Акылбек Жапаров Жалал-Абад облусуна болгон иш сапарынын алкагында Базар-Коргон районунун Арстанбап аймагында жайгашкан “Кыргызнефтегаз” ААКнун карамагындагы “Зорька” балдардын эс алуу борборуна барды.

Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаров Жалал-Абад облусуна болгон иш сапарынын алкагында Базар-Коргон районунун Арстанбап аймагында жайгашкан “Кыргызнефтегаз” ААКнун карамагындагы “Зорька” балдардын эс алуу борборуна барды. А. Жапаров лагердеги жаны курулган коттедждер менен таанышып чыкты. “Кыргызнефатегаз” ААКнун башкармалыгынын төрагасы Нургазы Нишанов жаны курулуштар жана балдарга түзүлгөн шарттар боюнча маалымат берди.

Эске салсак “Кыргызнефтегаз” ААКна караштуу “Зорька” балдар эс алуу борбору 1964-жылы курулган. Жалпы аянты 8,32 Га. Ар жылы лагерде балдар үчүн жайкы эс алуу уюштурулуп, жылына 5 агым болот, ар бир агымда 250-260 бала келип эс алып кетишет. Жалпы эсеп боюнча бир жылда лагерде 1250-1300 бала эс алат. Ар бир агымда балдардын эс алуусунда тамак-аш уюштуруу, тарбиялык-эстетикалык, денени чыңдоо жана алардын коопсуздугу жаатында иш алып баруу үчүн 40 тан ашуун кызматкер эмгектенет.

Биздин келечегибиз болгон жаш муундарга лагерди реконструкциялоо максатында 2022-жылы заманбап эреже жана нормаларга жооп берген 10 коттедж куруу боюнча “Север-Юг” ЖЧК ишканасы менен 2022-жылдын 14-июлунда тендердик негизде жалпы сумма 42 062 278, 77 сомго келишим түзүлдү. Курулуш иштери 2022-жылдын күз мезгилинде башталып курулуш-монтаждоо иштери өз убагында ийгиликтүү аяктады. Жаны курулган коттедждер боюнча кыскача айтып кетсек, ар бир коттедждин аянты 140 м2, 30 орундуу, ар биринин өзүнчө санузелдери, жуунучу жайлары (душ) бар жана онлайн коопсуздук байкоочу камералар менен жабдылган. Андан сырткары жалпы лагерь боюнча суу менен камсыздоо түтүктөрү жаңыдан орнотулуп, заманбап талапка жооп берүүчү тазалоочу (очистное сооружение) курулма курулду. Лагердин ичиндеги жалпы тратуарлар курулду, тамактануучу, жуунучу жай ж.б. имараттарда оңдоп түзөө иштери жыл сайын жүргүзүлүп келет.

Бул жылы жаңы салынган коттедждерде ар бир агымда 300 бала эс алат, балдар үчүн 5 агым уюштуруу пландаштырылган. Бүгүнкү күндө 300 бала I агымда эс алып кетишти, алардын ичинен I агымда Кочкор-Ата мэриясына бөлүнгөн квотанын эсебинен 50 аз камсыз болгон үй-бүлөлөрдүн балдары жана ата-энесинен ажыраган балдар дем алды. Ушул жылдын август айынын аягында, дагы 10 жаңы коттедж куруу пландарыбыз ишке ашып калса, ар бир агымда эс алуучу балдардын саны 300 дөн 600 гө, башкача айтканда 2 эсеге көбөйөт жана башка район шаарлардын балдарын эс алдырууга шарт түзүлөт.

Подробнее
Жаңылыктар, Пресс релизы, Пресс-борбор, Рубрикасы жок, Сми06.07.2023

2023-жылдын жарым жыл аралыгында аткарылган жумуштар!

“Кыргызнефтегаз” ААКнун башкармалыгынын төрагасы Нургазы Нишанов акционердик коомдун карамагында турган баардык мекемелердеги эмгек жамааттары менен жолугушту.

Жолугушуунун жүрүшүндө Н. Нишанов 2023-жылдын 2-кварталынын өндүрүштүк- экономикалык көрсөткүчтөргө токтолуп өттү.

“Кыргызнефтегаз” ишканасы 2023-жылдын 2-кварталында  82 217 тонна мунай өндүрүү пландалса, а бирок  иш жүзүндө 89 550 тоннага аткарылды. Башкача айтканда планга салыштырмалуу 7 333 тонна көп өндүрүлүп, биринчи үч айлыкта чийки мунайды өндүрүү 108 %га аткарылганын айтты.

Жаратылыш газын өңдүрүүдө компания жарым жылдыкта 16 млн 208 миң м3 өндүргөн. Бул багытта пландын аткарылышы 128 %ды түзүүдө.

2023-жылдын жарым жылдыктын жыйынтыгында  1 млрд 205 млн сом таза киреше табууга жетишкенин белгилеп өттү.

Н.Нишанов курулуш жумуштары аяктап, эс алуучуларды кабыл алып, иштеп жаткан “Зорька” балдардын эс алуу борбору жана Чолпон-Ата шаарындагы “Нефтчи” эс алуу зонасы боюнча токтолуп өттү.

Төрага алдыда жумушчулар үчүн көп кабаттуу үйлөрдү куруу максатында иштер жүрүп жатканын айтып өттү. Ошондой эле Жалал-Абаддагы мунайды кайра иштетүүчү заводду жанылоо багытындагы экинчи этаптагы жумуштары башталганын белгиледи. Эми экинчи этапта каржылоо булактарын табуу жумуштары алып барылат.

Н. Нишанов жыйындын жүрүшүндө жумушчулардын суроолоруна жооп берип, тийиштүү жетекчилерге жеринде тапшырмаларды берди.

Подробнее
Жаңылыктар, Пресс релизы, Пресс-борбор, Рубрикасы жок, Сми04.07.2023

Базар-Коргондо «Кыргызнефтегаз» ААКнун  «Зорька» эс алуу жайына 300 орундуу коттедж курулду

Базар-Коргон районуна караштуу Арстанбап айыл аймагында   жайгашкан “Кыргызнефтегаз” ААКнун  “Зорька” эс алуу жайына 300 орундуу  10  коттедж пайдаланууга берилди. Жаныдан буткон заманбап имаратка 300 бала кабыл алынып, учурда алар эс алып жатышат. Андагы жайдын абалы менен  КРнын Президентинин Жалал-Абад облусундагы ыйгарым укуктуу окулу Абсаттар Сыргабаев, «Кыргызнефтегаз» ААКтун жетекчиси Нургазы Нишанов жана аталган мекеменин директорлор кенешинин торагасы Тынарбек Мисиралиев таанышып чыгышты.

“Кыргызнефтегаз” ААКнун профсоюз уюмунун төрагасы Акынбек Раимкуловдун айтымында, андагы балдар эс алуучу жайдын имараттары 1964-жылдары курулган.акыркы 10 жылдан бери балдар жаткан корпустарды жанылоо боюнча маселе которулуп келген.

-Кезинде мындагы лагерде бир учурда 500 бала эс алчу. Бара-бара имараттар эскирип 280дей баланы кабыл алып калганбыз. Акыркы жылдары дал ушул лагерди ондоо боюнча жетекчиликтерге айтып келгенбиз. Былтыр 10 корпусту куруу боюнча курулуш иши башталган, быйылкы жылы июнь айына толук буткорулуп, балдар жаны имаратка кабыл алынды. Коттедждердин ичинде жуунчу жайы,ажатканасына чейин киргизилди. Заманбап шарт жаратуу учун канализация маселеси жолго коюлду. Лагер аймагында тротуарлар кошо салынды. Бул мумкунчулуктубиз коп жылданбери кутуп келгенбиз,буйруса ишке да ашыраалдык-дейт ал.

Биринчи агымда эс алып жаткан балдардын майрамдык салтанатында «Кыргызнефтегаз» ААКнун жетекчиси Нургазы Нишанов балдар учун ар дайым камкордук болоорун белгилеп, быйылкы жылы балдарды кабыл алуу токтогондон кийин дагы 10 коттедж куруу жумушу башталаарын белгиледи.

-Азыр 300 бала эс алып атасыздар, дагы 10 коттедж салынса бир учурда 600 бала эс алууга  шарт жаратылат. Ашканалар жаныланат. Балдар эн сонун эс алып кетууго мындан ары да  мумкунчулуктор  тузулот-деди ал.

Облус башчысы өлкөдөгү ири өндүрүштүк мекеме болгон “Кыргызнефтегаз” ишканасы өзүнүн экономикалык киреше бөлүгүн арттыруу менен гана чектелбей, аймактагы социалдык турмушта да өзүнүн активдүүлүгүн көрсөтүп келе жатканын белгиледи.

“Зорька” эс алуу жайы негизинен «Кыргызнефтегаз» ишканасында эмгектенген кызматкерлердин балдарын жайкы эс алуусун уюштурууга багытталган. Бул жылы анда жалпы беш агымды кабыл алуу пландаштырылып жатат. Ошондой эле  Кочкор-Ата шаар мэриясы да балдарды эс алдыра алат. Келишим негизде башка мекемелердин балдары да кабыл алынат.

Мындагы мекеменин Арстанбапта кызматкерлер учун да эс алуучу жайы бар.  Ал эми быйылкы жылы биринчи жолу кызматкерлер учун  Чолпон-Ата шаарында жайгашкан «Нефтчи» эс алуу зонасы ачылды. Мында бир эле учурда 48 адам эс алууга ылайыкташкан.

Подробнее
Жаңылыктар, Рубрикасы жок22.06.2023

Ысык-Көл жээгинде “Нефтчи” эс алуу зонасы ачылды.

«Кыргызнефтегаз» ААКнун кызматкерлери үчүн Чолпон-Ата шаарында жайгашкан «Нефтчи» эс алуу зонасы ачылды. Жайкы эс алуу учурунда ишкананын кызматкерлери Ыссык-Көл жээгинде өткөрүүгө шарт түзүлдү. Мында бир эле учурда 48 адам эс алууга ылайыкташкан.

“Нефтчи” эс алуу аймагы эки имараттан турат. Эс алуучулар үчүн толук кандуу ыңгайлуу шарттар жаратылган. Эс алуучулар үчүн 3 маал тамак аш уюштурулган. Ошондой эле ашканага керектелүүчү атайын заманбап жабдыктар менен толукталган.

Буга чейин “Кыргызнефтегаз” ААКнун жумушчулары Ыссык-Көлдөгү ар кайсы эс алуу жайларына барып жүрүшкөн. Эми ишкананын өзүнүн карамагында эс алуу аймагы ачылганы чон жетишкендик.

Көл жээгинде эс алуу зонасын ачуу демилгеси буга чейин көтөрүлүп, бирок колдоо таппай келген. “Кыргызнефтегаз“ ААКнун директорлор кеңешинин төрагасы Тынарбек Мисиралиев жана башкармалыктын төрагасы Нургазы Нишанов аталган маселени колго алып, эс алуу зонасын ачуу үчүн тийиштүү тапшырмаларды берген. Учурда курулуш жумуштары аяктап, эс алуучуларды кабыл алууга даяр.

Мунай өндүрүүдө ишкананын кызматкерлери аба-ырайынын катаал шартына карабастан жумуштарын токтотпой эмгектенишет.  “Кыргызнефтегаз” башкармалыгы жумушчулардын ден-соолугун бекемдөө үчүн алгылыктуу аракеттерди көрүп келет. Алсак “Нефтчи” санатория – профилакториясында жумушчулар даарыланып эс алууга толук шарттар бар. Ошондой эле Арстанбаптагы “Нефтчи” эс алуу зонасы жана “Зорька”лагери иштеп келет. Эми катарга Ыссык-Көлдөгү “Нефтчи” эс алуу аймагы менен толукталды.

Подробнее
Рубрикасы жок10.09.2022

“Мыкты нефтичи” аталышындагы төш белги жана “Эмгек синиргең нефтичи” медаль тапшырылды!

Нефтичилердин кесиптик майрамына карата. “Кыргызнефтегаз” ААКнын башкармалыктарда чакан жыйындар болуп, куттуктоо сөздөр айтылып, жыл ичинде ак эмгеги, өрнөктүү жумушу, кесипкөйлүгү менен айырмаланган нефтичилерге “Эмгек синирген” аталышындагы медаль тапшырылды. Ошондой эле “Мыкты нефтичи” аталышындагы төш белги ыйгарылды.
Майрамды утурлай Жогорку кеңештин, Министрлер Кабинетинин, Мамлекеттик мүлк фондунун, облустук жана райондук бийликтин ардак граматалары көп жылдардан бери иштеген кесипкөй адистерге тапшырылды. Ошондой эле акчалай сыйлыктар менен дагы сыйланышты.
“Кыргызнефатегаз” ААКнын башкармалыгынын төрагасы Нургазы Нишанов баардык кызматкерлерди кесиптик майрамы менен куттуктап, ийгилик каалап өттү. Эмгек жамаатын ынтымагы жана биримдиги менен чоң ийгиликтерди жаратарын белгилеп өттү.
Подробнее