Президент Садыр Жапаров «Кыргызнефтегаз» ААКнын алдындагы «Кыргыз Петролеум Компани» ЖАКтын ишмердүүлүгү менен таанышты

Кыргыз Республикасынын Президенти Садыр Жапаров бүгүн, 18-декабрда, Жалал-Абад облусуна болгон жумушчу сапарынын алкагында «Кыргызнефтегаз» ААКнын алдындагы «Кыргыз Петролеум Компани» ЖАКда болду.
Мамлекет башчысына өнөр жай ишканасынын ишмердүүлүгү тууралуу маалымат берилип, өткөн жылдагы ишинин жыйынтыгы жана аны модернизациялоо пландары тууралуу маалымат берилди.
Учурда «Кыргыз Петролеум Компани» ЖАК долбоорлоо, модернизациялоо үчүн жабдууларды жеткирүү жана эл аралык стандарттарга жооп берген продукцияны чыгарууга өтүү үчүн инвестицияларды тартуу боюнча комплекстүү чараларды көрүп жатат. Модернизациялоонун натыйжасында заводдун продукциясынын ассортименти бир кыйла кеңейет. Бул мунай өнүмдөрүнүн сегментинде жаңы рыноктордун өнүгүшүн камсыз кылат жана ТРТСтин Евро-4 жана Евро-5 ченемдик талаптарына жооп берет.
Мамлекет башчысына «Кыргыз Петролеум Компани» ЖАКтын ишмердүүлүгүнүн тарыхындагы рекорддук көрсөткүчтөрү тууралуу маалымат берилди. Алсак, завод 2020-жылы 47 миллион сомго зыян тарткан болсо, үстүбүздөгү жылы ишкананын таза кирешеси 160 миллион сомду түздү.
Ийгиликтүү көрсөткүчтөргө «Кыргыз Петролеум Компани» ААКка 100% ээлик кылган «Кыргызнефтегаз» ЖАК дагы жетишкен. Алсак, компаниянын үстүбүздөгү жылдагы таза кирешеси 2020-жылга салыштырмалуу 558 миллион сомдон 2,5 миллиард сомго (өсүү 4,5 эсеге), мунай өндүрүү 147 миң тоннадан 173 миң тоннага (1,2 эсеге өсүү), 2021-жылы салыктык чегерүү былтыркы жылдын ушул эле мезгилинде 884 миллион сомго (1,5 эсеге өскөн) өсүп 1,4 миллиард сомду түздү, 2020-жылы кайра иштетүү көлөмү 132 миң тоннаны, быйыл 165 миң тоннаны (өсүү 1,3 эсеге) түздү.
Садыр Жапаров быйылкы жылы ишкананын ишмердүүлүгүнүн оң динамикасын белгилеп, уурулук кылбай, таза иштөөгө болоорун белгиледи.
«Мен буга чейин бул жакка келип кеткем. Ишкананы жакшы сактап калыпсыңыздар. Бул багытта иш алып барган облустагы жалгыз ишкана. Өндүрүлгөн продукция өлкөнүн керектөөсүнүн 6-7% гана камсыздайт, бул жетишсиз. Завод жылына 500 миң тонна мунай иштетүүгө жөндөмдүү, аны ушул көрсөткүчкө жеткирүү зарыл», – деп белгиледи Президент.
Мамлекет башчысы өлкөнүн бакубатчылыгы үчүн иштеп, мамлекеттик ишканалар ушундай жол менен жанданып жатканын баса белгиледи. Мисалы, «Манас» эл аралык аэропорту 3 миллиард сом таза киреше тапса, «Кыргыз темир жолу» мамлекеттик ишканасы да кирешеси жок болсо, азыр анын таза кирешеси 1 миллиард 600 миллион сомду түздү.
Садыр Жапаров мамлекеттик мекеме-ишканалардын кызматкерлеринин ак ниет жана таза эмгегинен алардын бакубаттулугу көз каранды экенин, бул алардын маянасына оң таасирин тийгизерин белгиледи. Жер жерлерде коррупцияга жана анын ар кандай көрүнүштөрүнө каршы күрөшүү маанилүү.
Мамлекет башчысы мунай иштетүүчү ишканаларды модернизациялоо жана чыгарылган өнүмдүн сапатын жогорулатуу маселесине өзгөчө көңүл бурду. Буга байланыштуу Садыр Жапаров тиешелүү мамлекеттик органдарга ишкананы иштетүү жана модернизациялоо боюнча маселелерди өз убагында чечүүнү тапшырды.
Андан соң Президент Садыр Жапаров өндүрүш тилкесин карап, өндүрүштүк бөлүмдүн иш процесси менен таанышып, ошондой эле ишкананын кызматкерлери менен баарлашып жана алардын иштөө шарттарына кызыкты.
Кызматкерлер менен болгон баарлашууда Мамлекет башчысы ишкананы модернизациялоонун маанилүүлүгүн белгилеп, бул үчүн мамлекет керектүү каражатты табаарын билдирди.
Өз кезегинде кызматкерлер мамлекет тарабынан көңүл бурулуп, колдоо көрсөткөндүгү үчүн Президент Садыр Жапаровго ыраазычылык билдиришти. Айтымдарында, жаңы жетекчилик алардын иштөө шарттарын жакшыртууда, анын ичинде ишкананын жумушчуларынын эмгек акысы көтөрүлгөн.
Подробнее

Бүгүн коррупция менен күрөшүүнүн Эл аралык күнүн белгилөөнүн алкагында Жалал-Абад облусунун Ноокен районунун прокурору Жумабеков Замирбек Артисбековичдин катышуусунда “Кыргызнефтегаз” компаниясынын эмгек жамааты менен жыйын болуп өттү.

Жыйындын жүрүшүндө прокурор Замирбек Жумабеков мамлекеттеги мыйзамдардын жана башка ченемдик укуктук актыларда өзгөртүүлөр турасында маалымат берди. Ошондой эле коррупцияга каршы күрөшүү иш чараларын талкуулашты.

Ар жыл сайын 9-декабрда дүйнө жүзү боюнча коррупция менен күрөшүүнүн Эл аралык күнү белгиленет. Коррупция экономиканын өсүшүн басаңдатат. Мындан улам коррупция менен күрөшүү багытында үзгүлтүксүз иш пландарды жүргүзүү боюнча жыйында талкуу жүрдү.

Подробнее

Компаниянын экономикалык жана өңдүрүштүк көрсөткүчтөрү өсүүдө.

♦ Ишкана тарыхында жаңы баскычка көтөрүлө алды. Киреше мурунку жылга салыштырмалуу үч жарым эсеге көбөйдү. Жаш, билимдүү адистердин эмгеги зор. Төрага М.Тургунбаев жыл соңуна чейин төрт жарым эсеге көтөрүүнүн аракетинде.

Подробнее

“Кыргызнефтегаз” ААКнын өндүрүштүк жана каржылык көрсөткүчтөрү биринчи жарым жылдыкта рекордтук чекке жетти.

Эгемендүүлүктүн 30 жылдык тарыхында, “Кыргызнефтегаз” ААКнын өндүрүштүк жана каржылык көрсөткүчтөрү биринчи жарым жылдыкта рекордтук чекке жетти.
Ушул жылдын биринчи жарым жылдын жыйынтыгы менен 949 миллион 500 миң сом баланстык киреше тапканга жетишилди. “Кыргызнефтегаз” ачык акционердик коом болуп түзүлгөндөн бери баланстык киреше 949 миллион 500 миң сомго чыккан эмес. Бул көрсөткүч ишкананын тарыхында биринчи ирет катталды.
Былтыр биринчи жарым жылдыкта 361,5 млн. сом гана болгон. Мурунку жылга салыштырмалуу быйыл 588 млн. сомго ашыкча киреше табылды, пландын аткарылышынын пайыздык көрсөткүчү 263го жетти.
Чийки мунай өндүрүү планы 2021-жылдын 6 айында 64 099 тонна каралса, ал эми иш жүзүндө 82 533 тоннага аткарылды. Башкача айтканда планга салыштырмалуу 18 434 тоннага ашыкча өндүрүлдү. Бул дегени 6 айлык план 129% аткарылганынан кабар берет.
Мамлекетке болгон төлөмдөр өз учурунда аткарылууда. Биринчи жарым жылдыкта салык төлөмдөр план боюнча 285 млн сом болсо, анын ордуна 511 млн сом төлөндү. Учурда мекеменин карыздары жок. Бардык чегерүүлөргө төлөмдөр жүргүзүлдү.
“Кыргызнефтегаз” ААКнын төрагалык кызматын Мелис Тургунбаев аркалап келет. Мекемедеги кесипкөй жумушчулардын жана башкармалыктын туура уюштуруучулук эмгеги менен жогорудагы ийгиликтерге жетишүүдө.
Подробнее

Баткендин 100го жакын өспүрүмдүн эс алуусу Арстанбапта  уюштурулду.

Кыргыз-Тажик  чек арасындагы акыркы куралдуу чыр-чатактар, өспүрүмдөрдүн психологиясына терс таасир эткени белгилүү. Мындан улам балдарды  колдоо максатында, Баткендин 100го жакын өспүрүмдүн эс алуусу Арстанбапта  уюштурулду.

“Кыргызнефтегаз” ААКнын башкармалыгынын төрагасы Мелис Тургунбаевдин жеке демилгеси менен Баткенден келген балдардын эс алуусу уюштурулду. “Кыргызнефтегазга” караштуу “Зорька”  лагеринде  санитардык баардык эрежелер сакталып, коопсуздук чаралары көрүлгөн.

Өспүрүмдөрдүн көңүлдүү эс алуусу үчүн «Кыргызнефтегаз» ачык акционердик коому тарабынан  бардык ыңгайлуу шарттар жаратылган. Тамак-ашынын сапатына чоң маани берилип, балдардын коопсуздугуна көңүл бурулган.

Подробнее

Борбор Азиядагы Америка Университетине окууга өткөн нефтичилердин балдарына колдоо көргөзүлөт.

“Кыргызнефтегаз” ААКнын жумушчуларынын балдары Борбор Азиядагы Америка Университетине кабыл алынса, мекеме толугу менен студентиң окуу төлөмдөрүн окууну аяктаганга чейин төлөп берет. Мындай билдирүүнү “Кыргызнефтегаз” ААКнын төрагасы Мелис Тургунбаев мекеменин жыйынында билдирди. Жылына бирден студенти (АУЦА) Борбор Азиядагы Америка Университетине билим алуусуна финансылык колдоо көргөзүлөт. Ошол студент окуп, аяктап келгенден кийин, “Кыргызнефтегаз” ишканасынан жоопту жана эмгек маянасы жакшы кызмат орундары менен да камсыз болот. Студент алган билимин, тажрыйбасын, кесипкөйлүк аракетин “Кыргызнефтегазда” көргөзүүгө шарт жаралат.
Мындай жөрөлгө “Кыргызнефтегаз” ААКнын төрагасы М. Тургунбаевдин жеке демилгеси менен уюштурулуп жатат. Буга чейин мындай мукунчулук муңайчыларга түзүлгөн эмес.
Мекемеге билимдуу, кесипкөй адистерди даярдоо жана Кочкор-Аталык жаштарды колдоо ошондой эле жумушчуларга (стимул) түрткү берүү максатында уюштурулуп жатканы белгиленди.

Подробнее

Өрт чыккан учурдагы аракеттер, эвакуациялоо жана жабыркагандарды коопсуз аймака жеткирүүгө бала бакча кызматкерлери аракет кылып жатышты.

Кочкор-Ата шаарындагы “Кыргызнефтегаз” ААКсына таандык №5-Бала бакчанын ашканасында өрт чыкты. Мындай билдирүү таң эрте  тийиштүү кызмат өкүлдөрүнө билдирилди . Мындан  максат өзгөчө кырдаал түзүлгөн учурда бала бакча казматкерлери кандай чара көрүш керек. Алардын аракетине келген комиция байкоо салып турушту.

Өрт чыккан учурдагы аракеттер, эвакуациялоо жана жабыркагандарды коопсуз аймака жеткирүүгө бала бакча кызматкерлери аракет кылып жатышты. Жабыркагандарга алгачкы жардам көргөзүлдү. Өрт өчүрүү кызматына билдирүү берилип, чакырылды.

Күтүлбөгөн учурда өзгөчө кырдаалдарда мекеме ишканалардын куткаруу абалын текшерүү болчу. Ишчарага “Кыргызнефтегаз” ААКсына караштуу газ сатуу бөлөмө жана өрт өчүрүү кызматы ошондой эле коопсуздук кызматынын жумушчулары катышты.

Мындай иш чара 2021-жылга “Кыргызнефтегаз”ААКнын жарандык коргонуу боюнча даярдык иш мерчеминин алкагында жүргүзүлдү. Машугуулар айсайын “Кыргызнефтегаз” ААКсына таандык баардык башкармалыктарда өткөрүлүп турат.

Подробнее

Бүгүн “Кыргызнефтегаз” ААКнун жалпы эмгек жамаатынын жигиттери айымдарды куттукташты.

 

Алгачкылардан болуп, “Кыргызнефтегаз” ААКнун башкы инженери Зайырбек Ажикулов  сөз сүйлөп, жашообуздагы айымдардын орду зор экенин белгилеп,                                            жумушта дагы кесипкөй айымдардын өндүрүштөгү салымы чон экенин айтып,  баардык айымдарды куттуктап өттү.

Мырзалардын куттуктоолорунан кийин айымдарга гүл жана атайын  даярдалган   белектер тапшырылды.                                                                                                                               “Кыргызнефтегаз” ААКнун төрагасы М. Тургунбаевдин атынан баардык башкармалыкта, бөлүмдөрдө иштеган айымдарга шириндиктер,                                                                              таттуулар белеке берилип, куттуктоолор жөнөтөлдү.

 

Подробнее